Fanasjohtalus Kanadas
Mearrafatnasat mat besset johtalit Kanada árktalaš guovlluin, galget maiddái váldit vuhtii guovllu luonddugáhtten geatnegasvuođa. Nu dat leaba USA presideanta Obama ja Kanada stáhtaministtar Justin Trudeau soabadan dá gieskat go deaivvadeigga. Pew nammasaš organisašuvnna Louie Porta gal oaivvilda johtalusplánain váilut dat oassi mii válddášii vuhtii guovllu inuihtaid beroštumiid. Johtalus ii suddje guovllu niččehasaid, nugo morššaid ja fálláid ja lea maiddái muosehuhttin guovllu inuihtaide,čállá knr.gl.