Dárbu nannet museafágalaš barggu
Sámi museasearvi oaidná dárbbu nannet museafágalaš barggu iežaset searvvis ja Sámedikkis. Dan cealká searvvi jahkečoahkkin. Sin mielas lea dárbu ásahit olles virggi fágalaš ja fágapolitihkalaš bargui.
Sámi museasearvi oaidná maid dárbbašlažžan ahte Sámediggi nanne iežas siskkáldas museapolitihkalaš barggu ja ásaha sierra fágaossodaga museaide.
Sámedikki direktevra Rune Fjellheim lohká ahte áidna čoavddus ii leat sierra ossodaga ásahit, go sii sáhttet buoridit barggu dálá návccaid siskkobealde, ja sii fertejit gulahallat museaservviin maid sii ohcalit.