Váttis dieđihit lihkohisvuođa birra
Heajos mobiilaoládat dagahii ahte lei measta veadjemeahttun dieđihit skohterlihkohisvuođa birra, mii dáhpáhuvai Guorgajávrri lahka, Idjavuonduoddaris, Finnmárkkus, ikte. Politiijat ožžo dieđu lihkohisvuođa birra ikte eahkes diibmu čiežas, muhto lei nu heajos telefovdnaoládat ahte ádjánedje oažžut dorvái dárkilis dieđuid gos bárti lei deaividan, ja danne manne moadde diimmu ovdalgo vižže helikopteriin roasmmehuvvon skohtervuoddji, ja dolvo su Girkonjárgga buohccivissui. Guovllus lei maiddái heajos dálki.