Ministtar Horne lea fuolastuvvan
Norgga mánáid- ja dásseárvoministtar Solveig Horne lea fuolastuvvan go ollu sámi nissonat vásihit veahkaválddálašvuođa. Dán vahko lei son ovttas Norgga Sámedikkiin Ovttastuvvan našuvnnaid Nissonkommišuvnnain čalmmustahttimen ášši. Guorahallan čájeha ahte nu ollu go juohke nubbi sámi nissonolmmoš vásiha veahkaválddálašvuođa. Dál lea dárbu bidjat návccaid bargguide mat sáhttet eastadit dáid dáhpáhuvvamis, lohká Norgga mánáid- ja dásseárvominsttar Solveig Horne.