Guollebiepmahatealáhus nagodii 2015:s doalahit njiŋŋelasluossadihkkedási biepmahasrusttegiin vuollelis go 2002-2014 áigodagas. Vaikko vel luossadihkki lea gierdagoahtán eambbo ja eambbo dán dihkkemirkko. Muhto dát boađus ii boahtán gal hálbái go buohtastahttá 2014:in, dan sivas go dál lassánii hydrogenperoksida geavaheapmi 33:n proseanttain. Dan čállá Norges Sjømatråd:a preassadieđáhusastis.
Sámi allaskuvllas oidnet, ahte dál lea stuorra beroštupmi oahppat sámegiela.
Ollugat leat ohcan sámegiela easkkaálgi kursii, man gohčodit SÁL1 ja SÁL2.
Buohkanassii leat 70 ohcci.
– Min váttisvuohta lea, ahte mis eai leat doarvái fágaolbmot geat sáhttet oahpahit sámegiela, muitala Sámi allaskuvlla rektor Liv Inger Somby.
Son lohká allaskuvlla dál bátnegáskki bargat strategalaččat gávdnat olbmuid geat sin lusa sáhtášedje boahtit bargui ja oahpahit sámegiela easkkaálgiide.
– Jus oažžut vel ovtta dahje guokte oahpaheaddji, de sáhttit duppalastit studeantalogu. Dalle eai leat dušše 15 studeantta, muhto 30, čilge Somby.