Sámi Grand Prix skearru álmmuhuvvo
Sámi Grand Prix (SGP) cd almmuhuvvo ođđajagis. Almmuhanbeaivi lea Sámi álbmotbeaivi, guovvamánu 6. beaivi 2016. Dalle almmuhuvvo duppal skearru, mas lea sihke SGP 2014 ja 2015 goabbat skearrus.
Stivrajođiheaddji Sámi Musihkkafestiválas Ellen J. Sara Eira čállá preassadieđáhusas ahte lea mannan menddo guhkes áigi gárvet skearru. Okta ágga manin nu lea šaddan lea go Musihkkafestiválas ii leamaš buvttadeaddji borgemánu 1. Beaivvi rájes.