Ávžžuhit váldit oktavuođa jus dárbu
Eatnasiidda mearkkašit juovlabasit ráfi, bearaš ja lagasvuohta, muhto nu ii leat buohkaide, muhtumiidda mearkkaša dat heahtedilli. Lea duođaštuvvon earret eará ahte juovllaid áigge lassána jugešvuohta ruovttuin. Riikapolitihkkár Inga Marte Thorkildsen ávžžuha olbmuid váldit oktavuođa heahteguovddážiiguin juovllaid, jos lea dárbu, nu čállá Dagsavisen. Sámi Heahteguovddáš háliidit fuomášuhttit ahte olmmoš ii dárbbaš leat roavvát huškohallan dahje roasmmohuvvan, ovdal go sáhttet sis jearrat veahki, lohká Alma Helander.