Eai leat beassan ovttaoaivilii
Ruvkefitnodat Nussir ja Fiettar orohat, eai leat beassan ovttaoaivilii das makkár buhtadusat galggašedje badjeolbmuide dán áššis. Dan lohká Fiettar orohaga ovdaolmmoš Mikkel Nils Sara, son lea okta dain geasa ruvkedoaibma čuohcá. Dál lea Birasdirektoráhtta addán Nussir ruvkefitnodahkii lobi luoitit ruvkebázahusaid Riehpovutnii, Fálesnuoris. Direktoráhtta lea njealje jagi ádjánan meannudit Nussira ruvkebázahusluoitinohcamuša.