Heavvananlihkohisvuođat skábmamánus
Dán jagi leat dán rádjai heavvanan 97 olbmo, ja diimmá ektui lea dán dáfus veahá unnit lohku. Mannan mánu heavvanedje čiežas čájehit Norgga álbmotveahki logut. Guovttis dáin lei nuorra párra geat duššaiga go ribaheigga biillaska čáhcái Sogn og Fjordanes. Mannan mánus ges doddjojedje guokte vuodjinfievrru čáhcái Finnmárkkus ja Hedemárkkus, ja sihke Oslos, Nordlánddas ja Møre og Romsdalas heavvanedje olbmot go gahčče čáhccái. Norgga álbmotveahki statistihka mielde de eanaš lihkohisvuođat gevvet go gáttis gahččet čáhcái. Ja dán jagi logut čájehit ahte 97 heavvaneamis dáhpáhuvve 56 dakkára.