Buohcciviessus váilot bargit
Buohcciviesuin ja gielddain sáhttet váilugoahtit fuolahusbargit ja buohccidivššárat jos dál ii bargojuvvoš mihkkege dáinna. Jos geahččá 10 - 15 jagi ovddas guvlui, de árvvoštallojuvvo ahte sullii 50 000 bargi váilot. Go olbmot ellet guhkit ja buozalmasvuođat eallindábiid geažil leat dávjun, de dat lea dahkan stuorra hástalusaid, lohká Davvi dearvvašvuođa fágadirektevra Geir Tollåli. Dušše buohcciviesuin sáhttet váilut sullii 30 000 bargi dáidda virggiide, lohká Tollåli.
