Árvvoštallat politiija lassidoaimma
Finnmárkku politiijameašttir Ellen Katrine Hætta áigu ođđasit árvvoštallat sáhttágo politiija maiddái leat mielde eaiggáduššamin huksenfitnodaga, čállá Ifinnmark -neahttabáiki. Dat huksenfitnodat, mas politiijabálvá lea mieleaiggádin, lea ožžon barggu hukset ođđa dálu, dan dállosadjái gos diibmá juovlamánus bulii dállu, ja dán dállobuollima dutke politiijat. Ja dát politiijabálvá, mas lea sáhka, dat maiddái muitalii dieđuid dán buollima birra.
