Buoremusat bálkáhuvvon jođiheaddji
Statoila gaskaboddosaš hoavda Eldar Sætre lea nammaduvvon bissovaš bajimus hoavdan fitnodahkii. Son lea doaibman virggis golggotmánu rájes maŋŋil go ovddit hoavda heittii. Son lea 35 jagi bargan Statoilas ja oljo- ja gássaindustriijas. Ođđa Statoil-hoavda šaddá Norgga buoremusat bálkáhuvvon jođiheaddjin, ja oažžu lagabui gávcci miljovnna kruvnna bissovaš bálkán.