Čiekča Romssa ovddas fas
Kárášjohkalaš Hans Norbye joatká čiekčat Romssa Valáštallan joavku ovddas dán jagi. Norbye vuolláičálii otne šiehtadusa mii bistá dán jagi. Son dadjá ahte son ieš riŋgii Romssa valáštallansearvái ja jearai ahte lea go vejolaš ahte son beassá čiekčat TIL ovddas fas. Leat gal eará joavkkut Norggas háliidan Norbye sin jovkui, dego omd Start ja Lillestrøm, muhto Norbye dovddai ahte dat ii orron riekta sutnje ii ge su bearrašii fárret Romssas eret. Dan čállá Nordlys.no.