Cahkkehaddet moskeaid
Mannan ija leat vuot buollán moskea Ruoŧas ja politiijat balahit dan leat cahkkehuvvon.
Moskea lea máttageahčen Ruoŧa, Skånes, Eslöv nammasaš báikkis.
Golmma áiggi ihkku bođii buollindiehtu ja ii oktage sis, geat orro seamma viesus, leat roasmmohuvvan buollima geažil.
Politiijat navdet bahádahkki ulbmilin leat leamaš sorbmet olbmuid, dieđiha áviisa Expressen.
Moskeaid leat máŋgii ovdalge geahččalan boaldit Ruoŧas. Mannan duorastaga cahkkehuvvui Eskiltunas moskea ja dalle roasmmohuvve vihtta olbmo.