Ođđa sámegielat boallobeavdi
Otná rájes sáhttet Iphona ja Android- telefovdna geavaheaddjit nuvttá fidnet sámegiel boallobeavddi telefovnnaide. Fálaldat ii leat dušše davvisámegielat geavaheddjiide, muhto maiddái mátta, julev, anárlaš- bihttán ja nuortalašsámegilli galgá sáhttit čállit dainna ođđa boallobevddiin. Sámegiella lea ollugiidda juohkebeaivválaš giella, danin galgá sidjiide dál vejolaš nuvttá geavahišgoahttit dán ođđa telefovdna boallobeavddi, lohká gielddaministtar Jan Tore Sanner. Lea Tromssa universitehta giellateknologiijaguovddáš Divvun gii lea ráhkadan dán ođđa boallobeavddi mii otne álmmuhuvvui.