Siumut vuittii válggaid
Siumut bellodat ja Kim Kielsen lea vuoitán Kalaallit Nunaata válggaid, čállá Kalaallit Nunaata Radioa. Siumut lea ožžon 326 eanet jiena go Inuit Ataqatigiit ja Sara Olsvig, muhto goappešat bellodagat oažžuba 11 mandáhta Kalaallit Nunaata parlamentii Inatsisartutii. Demokraterne ožžot njeallje mandáhta, Partii Naleraq ožžot golbma ja Atassut guokte. Partii Inuit ii beassan parlamentii. Bohtosat čájehit ahte olbmot eai leat ballán maŋŋel Siumut ovddeš jodiheaddji Aleqa Hammonda moivvi, ja Siumut beassá ain joatkit stivret Kalaallit Nunaata. Dál álggaha Siumut ja Kim Kielsen ráđđehusšiehtadallamiid.