Vuosttaščájáhus odne
Odne čájeha Beaivváš sámi našunálateáhter vuosttaš geardde bihtá "Gurut guvlui Heahtás", maid Siri Broch Johansen lea čállán. Dát lea juogalágaš roadmovie teáhterčájálmas, mas njeallje nuorra olbmo leat mielde. Bihtá sisdoallu lea movt olmmoš vállje soaittáhagas eará geainnu go dat mii lea vurdojuvvon sus. Soaitá gávdnat juoidá doppe, gosa ii álggos galgan, mii lea mihá buoret, go dat mii álggos lei jurddašuvvon. Broch Johansen lea maid čállán golbma teáhterbihtá, muhto ii guhkebuš bihtáid gal. Dál lea čállán vuosttaš geardde guhkes bihtá Beaivvážii.
