Giddejit biilaluottaid
Sihkkelgilvvu Arctic Race of Norway álgá ihttin Hámmarfeasttas, ja dan oktavuođas giddejit biilaluottaid Oarje-Finnmárkkus. Ihttin giddejit osiid riikageaidnu 94:s, eurohpágeaidnu 69:s ja eurohpágeaidnu guđeža. Dat mearkkaša ahte Hámmarfeasttas Davvenjárgii leat iešguđet áigge luottat gitta. Luottat rahpasit dađistaga go oasálastit leat sihkkelastán meattá. Sihkkelgilvu čuohcá maid bussejohtolahkii.