Ovddeš stáhtaministtar Kåre Willoch oaivvilda ahte lea áibbas riekta ráđđehusas ii deaivvadit Dalai Lamain odne. Dalai Lama lea Norggas fitname dál earret eará dan dihte go dán jagi lea 25 jagi áigi go oaččui Nobel ráfibálkkašumi. Willoch lohká ahte Nobel ii háliidan ahte ráfibálkkašupmi galggai leat politihkalaš.
Sámi allaskuvllas oidnet, ahte dál lea stuorra beroštupmi oahppat sámegiela.
Ollugat leat ohcan sámegiela easkkaálgi kursii, man gohčodit SÁL1 ja SÁL2.
Buohkanassii leat 70 ohcci.
– Min váttisvuohta lea, ahte mis eai leat doarvái fágaolbmot geat sáhttet oahpahit sámegiela, muitala Sámi allaskuvlla rektor Liv Inger Somby.
Son lohká allaskuvlla dál bátnegáskki bargat strategalaččat gávdnat olbmuid geat sin lusa sáhtášedje boahtit bargui ja oahpahit sámegiela easkkaálgiide.
– Jus oažžut vel ovtta dahje guokte oahpaheaddji, de sáhttit duppalastit studeantalogu. Dalle eai leat dušše 15 studeantta, muhto 30, čilge Somby.