NM gilvu spábbačiekčamis
Áltá valáštallansearvi ii birgen Kongsvingeris ja vuoittáhalle 5-3 nuppi vuorus Norgga spábbačiekčan-meašttirgilvvuin. Sálašvággi jur birgii nuppi divišuvnna joavkkus Harstadas, go vuite ráŋggáštusčievččasteami 7-6. Ja Tromsa ferte maid ráŋggáštusčievččasteapmái ovdalgo nagodii vuoitit goalmmát divišuvnna joavkku Finnsnesa vuostá. De šattaige boađus 4-2 Tromsii. Ja Bådåddjo joavku Bodø/Glimt vuittii ges 3-1 nuppi divišuvnna joavkku Mo vuostá.