Eai gieldde konsearttaid girkus
Guovdageainnu searvegotteráđđi ii čuovvolon searvegotteráđi jođiheaddji Nils Henriksen árvalusa oalát gieldit konsearttaid Máze ja Guovdageainnu girkuin.
Henriksen lei árvalan gieldit konsearttaid, dánsuma, teátera ja filmmaid girkus maŋŋel go beakkán trompetista Ole Edvard Antonsen diibmá juoiggastii go doalai konseartta Guovdageainnu girkus.