Porsáŋggu faláštallanjoavku mearridii vuolgit Norway Cup spáppačiekčamiidda, vaikko Norga lea áitojuvvon terrordaguide.
- Eai sii smiehta dieid áššiid, dadjá čiekči, dadjá erik Bakervik.
Porsáŋggu lunttaid kapteaidna, čiežanuppelot jahkásaš Erik Bakervik ii loga joavkku bidjat návccaid terroráitagiidda.
Sii leat vuolgán Norway Cupai spáppa čiekčat ja suohtastallat.
Sotnabeaivvi časke Porsáŋggu lunttat Grei joavkku 5-1 Moallabáhččit ledje Bernard Leinan Mathisen, Muhamed Berisa (guokte), Ande Biti Næss ja dieđusge kapteaidna Erik Bakervik.
Mannan vahkkus, duorastaga, almmuhii Norgga politiijaid sihkarvuođa bálvalus PST álbmogii, ahte sis leat dieđut, mat čujuhit dasa, ahte Norga sáhttá fallehuvvot terrordaguin.
Vaikko politiijat vázzet vearjjuiguin ja Norway Cupas leat eanet politiijat, go dábálaččat, de ii leat dát suorggahahtti kapteainna mielas.
Suddu báhcit eret
12 joavkku mearridedje bissut ruovttus eaige oassálaste cupai. Dát leat Erik Bakervika mielas váivi gullat.
- Sáhttá leat dušše okta vejolašvuohta searvat dása ja lea váivi, jus dákkár geažil dan ii beasa dahkat.
Ja ikte čikče Porsáŋggu lunttat dássálagaid 1-1 Os-joavkku vuostá. Moala bážii Erik Bakervika.
