Men Sogndal har også ein tradisjon med privatskular som går heilt tilbake til 1820-talet. I Sogndal vart det på 1800-talet drive både "skole for bedrestilte", "pigeskole", jordbruksskular og folkehøgskule.
Ei lov om komfirmasjon i 1736 sette fart i arbeidet med å lære ålmenta i Noreg å lese og skrive.
Ein mann som gjorde mykje for den norske ålmenskulen tidleg på 1800-talet, kom truleg frå Kaupanger, og foreslo i 1816 at skuleborna skulle få fritt skulemateriell.
Det første faste skulehuset som er nemnt, finn vi i ein branntakst frå Kaupanger i 1835.
Fjærland høyrde fram til 2000 til Balestrand kommune, der også skulekrinsen Eitorn på austsida munningen til Fjærlandsfjorden høyrde til Balestrand kommune fram til 1964.
I boka "Die vier Norweger" i 1828 skildrar diktaren og naturfilosofen Henrik Steffens ein slags "folkehøgskule" som då var i drift i Sogndal.
Jordbruksskulen på garden Vestreim på Kaupangerskogen var den første i Sogn og Fjordane då den starta i 1846.
Ein "husflidsskule" for kvinner vart starta i Sogndal kring 1860.
Prestesonen Marthin Luther Storm reiste til Sogndal og starta ein privat landbruksskule for bondeungdom der i 1870.
vart skipa 9. januar 1871 og vart ein av dei første folkehøgskulane i Noreg.
Private mellomskular
Før den offentlege realskulen kom i gang, var det fleire velståande i Sogndal som heldt seg med eigen huslærar som førte borna fram til mellomskuleeksamen. Elevane fekk gjerne litt "påbygg" på den lokale undervisninga med skulegang i by'n. I 1907 starta den unge offiseren Jan Tylden mellomskule i bygda, men la ned skulen då han fekk arbeid som offiser ein annan stad i landet.
I 1926 kom ei nemnd med tilråding om å starte realskule, men kommunestyret valde å la vere. Ti år seinare starta Olav Leirvåg realskule i ungdomshuset. Seinare kom gymnaset.
På same vis som gymnaset vart ei utviding av realskuletilbodet i bygda i 1944, vart det i 1963 starta lærarskule i Sogndal i samarbeid med gymnaset.
Olav Hole starta privat handelsskule i Sogndal i 1940.
Like etter 2. verdskrig vart det satsa på å byggje fleire yrkesskular i Sogn og Fjordane. Ein av desse var yrkeskulen i Sogndal. Men yrkesskulen som seinare vart lagt til bygda, starta ikkje der...
Sogndal Handelsskule vart starta som kommunal skule i 1971 i den såkalla "Hole-brakka" ved Trudvang.
Ungdomsskule
Realskulen i Sogndal vart avvikla då den vart avløyst av den 9-årige skule i 1970.
Skuleborna i Fjærland fekk ni-årig ungdomsskule i 1972. Fjærland fekk eigen ungdomsskule i 1978 i det nye skulebygget som stod ferdig i 1975 og som også hadde symjebasseng.
Skipa i 1994 ved at ein slo saman Sogn og Fjordane Distriktshøgskule, Sogndal Lærarskule, Sjukepleiarhøgskulen og Ingeniørhøgskulen i Førde og Studiesenteret på Sandane. Høgskulen har i 2003 nærmare 2300 studentar og kring 380 tilsette.
Kommunale skular i Sogndal i 2003:
Kaupanger skule (1.-10. klasse) 234 elevar
Norane skule (1.-7. klasse) 47 elevar
Fjærland skule (1.-10. klasse) 38 elevar
Trudvang (Sogndal) (1.-7. klasse) 457 elevar
Sogndal ungdomsskule (8.-10. klasse) 176 elevar