Kai Aage Pedersen fødd 1965 frå Sogndal, busett i Førde. Journalist og redaktør. Lærareksamen Sogndal lærarhøgskule 1990.
Journalist i Sogningen/Sogns Avis 1988-1992 og NRK Sogn og Fjordane 1992-2001. Redaktør i Sogn Avis 2001-2003 og redaksjonssjef ved NRK Sogn og Fjordane 2003-2004. Frå 2004 distriktsredaktør same stad. Utviklingssjef i NRK Distriktsdivisjonen frå 2009. I 2013 vart han igjen tilsett som distriktsredaktør for NRK Sogn og Fjordane.
Saman med Geirmund Henjum vart Pedersen kjend for satireprogrammet "Fjogningane" som gjekk i sendingane til NRK Sogn og Fjordane i mange år. For dette fekk dei to saman med Kjell Arvid Stølen journalistprisen for Sogn og Fjordane.