Bergenhus Folketidende
vart starta i Sogndal i 1892. Det er lite som er kjent om dette bladet, som truleg kom ut fram til 1896.
Ild-Tungen
var eit blad som metodistpresten
Sjur Ulness starta i Sogndal, der han i 1893 bygde den første "metodistkyrkja" i Sogn og Fjordane - "Sion". Seinare bytte bladet namn til "Sandhet og Frihet" - sjå:
Aviser og media i Vik.
|
Jens Kvåle. Foto frå Målreisingssoga i Sogn og Fjordane |
Vestmannen
var eit nynorsk, frilynt ungdomsblad som vart starta i Sogndal i 1896 av
Jens Kvåle. Eit tilsvarande blad - "Unge Skud" - hadde
Lorentz Nybø starta på Nordfjordeid i 1893. Seinare endra Kvaale namnet på bladet til "Ungdom", og i 1899 til "Sygna". Frå same året vart bladet også eit partiorgan for Venstre. Avisa gjekk inn då Jens Kvaale i 1904 kjøpte forlagsretten til
Sogns Tidend.
Ungdom
- sjå "Vestmannen" ovanfor.
Sygna
- sjå "Vestmannen" ovanfor.
vart starta i 1877 på Lærdalsøyri.
Solsprett
heitte eit nynorsk blad som vart gjeve ut i Sogndal frå 1939 til 1949 av
Kornelius Sølvberg og Ivar Rusti. Den siste dreiv også bokbinderi.
starta i Vik på 1920-talet som eit organ for Norges Bondelag, og hadde 400 aksjeeigarar over heile Sogn.
var starta i 1967 som lokalavis for Sogndal, og kom berre ut eit halvt års tid.
Bergens Tidende
starta avdelingskontor i Sogndal i 1971 med Jan Stedje som journalist. Kontoret vart lagt ned i 2003.
"Søkelys på Sogn og Fjordane"
var eit tidsskrift som Sogn og Fjordane Distriktshøgskule gav ut frå 1981 til 1990. Bladet hadde som mål å spreie kunnskap om regional forsking, med særskild vekt på emne som var knytt til Sogn og Fjordane. Redaktørar for tidsskriftet var Jon Naustdalslid,
Georg Arnestad og
Aage Engesæter, som alle var knytte til høgskulen som forskarar og lærarar.
Radio Gravenstein - første nærradio i fylket
Radio Gravenstein vart starta i 1983 i Sogndal som den første nærradiostasjonen i Sogn og Fjordane. Radio Gravenstein vart frå starten driven av studentar ved distriktshøgskulen i Sogndal, og heldt første tida til i Lægreids Hotell.
Sogn Dagblad
i Høyanger (sjå:
Aviser og media i Høyanger) hadde avdelingskontor i Sogndal frå 1982 og til avisa gjekk inn i 1997. Mellom dei som var medarbeidarar ved kontoret var Alf Henning Evjestad og Torbjørn Rørvik.
|
(Foto: NRK) |
Avisa Sogndal
vart starta og driven av A-pressen etter at Sogn Dagblad (sjå:
Aviser og media i Høyanger) gjekk inn i 1997. Avisa var lokalavis for Sogndal, men vart lagt ned i 1999. (Sjå også "Årdal og Lærdal Avis":
Aviser og media i Årdal.)
hadde Geir Ulfstein frå Kaupanger som kontaktmedarbeidar i Sogndal frå 1977 til 1982, med arbeidsfelt i Indre Sogn.
NRK sitt lokalkontor for Sogn vart skipa i Hermansverk i 1981 med sogndølen Inge Kjell Holme som reporter. Lokalkontoret vart flytta til Sogndal i 2000. Kontoret har utstyr både for fjernsynsreportasje og radiosendingar. Medarbeidarar ved Sogndals-kontoret har vore Inge Kjell Holme, Kai Aage Pedersen, Arne Eithun og Arve Uglum.
|
Redaktør Torbjørn Rørvik les Avisa Sogndal. (Foto: NRK) |
PVest Sogn og Fjordane Radio AS
vart skipa i 2003 av Tor Kåre Fardal og Idar Kvam. Tor Kåre Fardal vart dagleg leiar. Lokalradioen har hovudkontor i Sogndal og har konsesjon for sendingar i indre Sogn. Frå 2005 eig Sogn Avis halvparten av aksjane i selskapet.