Wolff Eikrem utlending i Eliteserien

Spelaren vaks opp berre steinkast frå Molde sitt treningsfelt på Lubbenes, men blir likevel rekna som utlending i norsk fotball, skriv Romsdals Budstikke .

Grunnen er ein internasjonal regel som seier at spelarar som har vore tre sesongar i utlandet etter at dei vart 15 år skal reknast som utlendingar.

- Meiningslaust

Det gjeld dermed også Wolff Eikrem sitt opphald i Manchester United.

- Eg syns det blir meiningslaust at eg tek opp plass i kvoten fordi eg har budd fire år av mitt liv ein annan stad, seier han til avisa.

• Magnus Wolff Eikrem vart henta heim frå Manchester United av Ole Gunnar Solskjær då han tok over MFK før årets sesong. Solskjær har vore viktig i karrieren til Wolff Eikrem også i tida i England.

Norske klubbar kunne tidlegare ha elleve såkalla frie spelarar i ein tropp på 25. No er den regelen fjerna, men berre ni spelarar kan vere med til kvar kamp. No har MFK elleve slike spelarar i troppen.

• LES OGSÅ: Solskjær klar til sesongstart

- Heilt tullete

Dermed må to utanlandske vrakast før kvar kamp.

- Det er heilt tullete at Magnus, som vaks opp bort i gata her, skal reknast som utlending, seier Ole Gunnar Solskjær.

Men trass i reglementet. Mot Sarpsborg i fyrste runde fredag blir i alle fall Eikrem med.

• LES OGSÅ: Seier i første kamp med Solskjær