For onsdag ettermiddag vart tre spelarar presenterte som nye Molde-spelarar. Davy Claude Angan, Joshua Gatt og Magnus Wolff Eikrem sat ved sidan av manager Solskjær på pressekonferansen.
Gatt og Wolff Eikrem har signert for tre år for klubben i Rosenes by, medan Angan har fireårskontrakt med klubben.
I tillegg har han eit par namn på blokka som ikkje er heilt klare.
- Les også:
Steenslid ikkje klar
- Me er einige med Viking, seier Ole Gunnar Solskjær på pressekonferanse onsdag ettermiddag. Det har vore rapportert at Børre Steenslid skulle til Molde, men dette er ikkje avklart endå, seier Solskjær.
- I dag kommenterer eg berre dei som er heilt klare, seier manageren.
- Onsdag formiddag:
- Viktig med fyrstelagsfotball
- Ole Gunnar har kome tilbake med mange flinke folk, og eg er frå Molde, sa Magnus Wolff Eikrem.
Han er tilbake i Molde etter fire år i Manchester United. Midtbanespelaren fekk veldig gode skussmål for manageren som no har henta han heim til Molde.
- Det var viktig for meg å spele fyrstelagsfotball no, så då vart Molde det rette valet, sa 20-åringen.
Video: Det er godt å kome i gang
- Vinnartype
- Magnus er ikkje berre ein god fotballspelar, men eit godt menneske, sa manager Solskjær.
- Han har visst gode haldningar, og er ein vinnartype. Kanskje like gale som Petter Rudi og Kjetil Rekdal til saman, smilte Solskjær.
Med mellom anna Wolff Eikrem og Makthar Thioune på midtbana, meiner no Solskjær at han har ei av dei beste midtbanene i Noreg.
Rask amerikanar
På motsett side av manageren sat Joshua Gatt.
- Farta mi er nok mi sterkaste side, sa Joshua Gatt. Amerikanaren kjem frå Michigan, og har vore innom austerriksk fotball før han no kjem til Molde.
- Er denne stallen god nok til å innfri forventningane som er til Ole Gunnar Solskjær? Diskuter nederst i artikkelen.
Kjøper inn
Onsdag stadfesta Hønefoss at
. Tysdag vart det klart at Bjørn Rune Gjelsten går inn med .På Solskjær si fyrste trening var det også med to spelarar på prøve i Molde. Desse er det ikkje sikkert om dei blir verande i klubben, sa Solskjær.
Sean Cunningham kjem frå Michigan Wolves, same klubb som Joshua Gatt spelte for i USA. Medan Gatt har vore innom Austerrike, kjem Cunningham rett frå Michigan.
- Må bygge stegvis
Om Børre Steenslid også kjem til klubben er Solskjær nøgd med stallen sin.
- Då skal me ikkje sjå vekk frå at det blir meisterligaspel, som då Molde møtte Real Madrid, sa Solskjær.
- Men då må me bygge steg for steg.