Marknadsføring
Filmen skal brukast til marknadsføring av kommunen. Filmskaparane, som er i byrjinga av 30-åra, håpar å få til drøymeprosjektet, seier ein av initiativtakarane Gudmund Kårvatn.
Spennande aktivitetar
Halvor Drøpping vurderer fjellhammaren før han hoppar. Frå innspeling av skikøyring 2. juledag. (Foto: Gudmund Kårvatn)
Det er odelsgutane Gudmund Kårvatn og Anders Karlsen saman med tidlegare noregsmeister i telemarkkøyring, Halvor Drøpping, som står bak prosjektet. Dei ønskjer å lage ein lokal film som tar for seg spennande aktivetetar i naturen gjennom heile året.
Har laga film før
Totalt vil prosjektet koste over 140.000 kroner. Med eigenkapital, sponsorinntekter og håp om støtte frå næringsfondet, skal finansieringa vere i boks.
Det er ikkje første gongen desse tre har laga film. I fjor var "Kvite spor" klar, og no vil dei lage ein ny film for å marknadsføre Surnadal overfor turistar, moglege tilflyttarar og verksemder.
