Vil ha ei overgangsordning
Stranda kommune satsar no på at Storting og regjering vil godta ei overgangsordning for nullutslepp-skip i Geirangerfjorden. Frå 2026 skal alle båtar i verdsarvfjorden vere utsleppsfrie. Men det blir svært vanskeleg å oppfylle, både for cruisereiarlaga og andre, meiner kommunen.
I går drøfta dei saka med statsministeren som viste forståing, ifølgje ordførar Jan Ove Tryggestad.
– Ei slik ordning må til om Geiranger skal ha sjanse til å overleve som næring og bygdesamfunn. Det blir viktig for å kunne vareta både behovet for heilårsarbeidsplassar, men også ei berekraftig utvikling, seier Tryggestad.