Vegen er smal og svingete og det er flaskehalsar på begge sider av fylkesgrensene. Ordførar i Rindal, Ola T. Heggem, seier at det er svært viktig for næringslivet å bli kvitt flaskehalsane på fylkesvegen mellom Nordmøre og Trøndelag.
Kommunane på begge sider av fylkesgrensa jobbar aktivt for å få utbetra vegen, og ordførarane i Rindal og Meldal møter vegstellet i Sør-Trøndelag i dag.
– Det hastar veldig. Næringslivet vil ha dette på plass så raskt som mogeleg. Vi vil ha betre vedlikehald både vinter og sommar og i tillegg legge ny asfalt.
- Les også:
Vil vidareutvikle næringslivet
Ordføraren vil ha betra flaskehalsane slik at trafikken går smidigare.
– Viss vi får betra desse vegane så er det også mogeleg å vidareutvikle næringslivet, seier Heggem.
Han fortel at trykket er stort på vegane, og han set stor pris på det arbeidet som næringslivet i området har lagt inn for å få dette gjort.
Fylkesveg 65 har aldri vore nokon vinnar i samferdselspolitikken. Nå jobbar kommunane på begge sider av grensa for å komme i gang. Og den flaskehalsen som de ønsker å bli kvitt først heiter Storåsbakken.
– Eg håper at vi får starta med arbeidet på denne vegen i løpet av to eller tre år, og at det offentlege tek ansvar for store delar av utgiftene. Det håper vi i alle fall.