Stemmejakta har starta

Etter hendingane på Utøya og i Oslo vart det bestemt at årets valkamp skulle utsetjast til 13. august klokka 12.

• Skal diskutere den lokale valkampen

Fleire stader i fylket har partia felles opning av valkampen. På Kiperviktorget i Ålesund var alle dei politiske partia invitert til ein felles start av valkampen. Der heldt ordførarkandidat for Ap i Ålesund, Eva Vinje Aurdal ein appell.

-Å skulle bruke dei neste vekene på å prate om politiske saker og eigne verdiar, er ein brå overgang frå den tunge tida vi har vore gjennom. Samtidig er det viktigare enn nokon gong, seier Aurdal.

• Må vurdere nye vallister i haust

Sjølv om Ap var med på opninga, vil dei sjølve ikkje starte valkampen før neste laurdag.

Toppkandidat for Framstegspartiet, Geir Stenset, er glad for at valkampen er i gong.

-Men det blir ikkje eit sirkus, slik valkampen ofte plar vere, seier Stenset. Sjølv om det er viktig å peike ut dei ulike politiske syna i kommunen, skal vi behandle kvarandre med respekt, seier han.

• Vil ha mindre kjeftbruk i valkamp

Også Torgrim Finnes i Ålesund Høgre, er glad for å vere i gong med valkampen.

-I fire år har vi sett fram til valet og då er det godt å kome i gong, seier Finnes. Han har opplevd at terroraksjonen har fått nye veljarar til å melde seg inn i partiet.