NRK Meny
Normal

Må vurdere nye vallister i haust

Fleire av dei sakna og drepne etter terrorangrepa er kandidatar på vallistene i haust. Dei fleste av listene er allereie trykt opp.

Valgkort

- Det blir opp til valstyra å bestemme om dei ønskjer å trykkje nye lister eller bruke dei som allereie er trykt opp, seier statssekretær i Kommunal- og regionaldepartementet. Mange av dei drepne og sakna AUF-arane etter Utøya-massakren står framleis som valkandidatar til hausten.

Foto: Erichsen, Jarl Fr. / SCANPIX

Mange av dei drepne og sakna AUF-arane etter Utøya-massakren står framleis oppført som kandidatar på vallistene til kommune- og fylkestingsvalet. No må dei lokale valstyra vurdere om dei vil trykkje nye lister, skriv Nationen i dag.

Fristen for å levere inn vallister til lokalvalet i haust gjekk ut 31. mai og frå 1. juli var det mogleg å tidlegstemme.

Difor er truleg mange av vallistene allereie trykt opp, sjølv om fristen for å trykkje dei er 10. august.

Les: Foreløpig navneliste etter terroren mot Norge 22. juli

Ikkje mogleg å nominere fleire

– Det blir opp til valstyra å avgjere om dei ønskjer å trykkje nye lister eller bruke dei som allereie er trykt opp. I dette spørsmålet vil eg oppfordre dei til å ha kontakt med både partia og dei pårørande for å finne den beste løysinga. Kanskje vil nokon ønskje å heidre den drepne ved å la namnet stå, seier statssekretær i Kommunal- og regionaldepartementet, Anne Beathe Tvinnereim, til Nationen.

Det er også eit spørsmål om det er praktisk mogleg å trykkje nye lister. Eventuelle personstemmer som vert gitt til døde personar blir tatt ut av betraktning, ifølgje vallova.

Tore Eikeland

AUF-leiar i Hordaland, Tore Eikeland, er blant dei sakna etter Utøya-angrepet. Han står som nummer åtte på Arbeiderpartiets liste i Hordaland fylke.

Foto: Hommedal, Marit / Scanpix

Les: – Belager seg på å sone resten av livet

Les: Alle navn offentliggjort etter terrorangrepene

– Partiet vil framleis få stemma si, men personstemma vil falle bort, seier Tvinnereim.

Fleire har etter terrorangrepa kome med ønskjer om å få nominere nye ungdommar for å erstatte dei sakna eller drepte i vallistene.

– Dagens vallov set ein stoppar for å nominere fleire kandidatar til valet i år, seier Tvinnereim til avisa.

Dei politiske partia har blitt einige om å utsette valkampen i sørgjeperioden. Arbeiderpartiet opplever stor medlemsauke og valforskarar spår framgang for partiet i haustens lokalval.

Les: Valgforsker spår framgang for Arbeiderpartiet

Les: Utsetter valgkampen

Laster innhold, vennligst vent..
Laster innhold, vennligst vent..

SISTE NYTT

Siste meldinger