- Dette er eit viktig gjennombrot i den kinesiske marknaden for Ulsteinkonsernet, seier Tore Ulstein, administrerande direktør i Ulstein Design. Kina er eit nytt område for bedrifta.
Gode erfaringar
Zhejiang Shipbuilding Co. i Kina skal byggje fire plattform-forsyningsfarty av designtypen Ulstein P105 for Bourbon-reiarlaget i Herøy. Forutan eit komplett teikningsunderlag skal Ulstein Design levere bl.a. framdriftssystem, motorar og manøvreringssystem. Med i utstyrspakkane er også ei rekkje produkt frå Ulstein Elektro som til dømes navigasjons- og radioutstyr.
Bourbon Offshore Norway har tidlegare fått levert to skip av designet Ulstein P105, og erfaringane er så gode at reiarlaget no kontraherer fire til. Det seier administrerande direktør Trond Myklebust i Bourbon.
Skipa skal leverast frå september 2007 til september 2008.