Vêret kan by på store utfordringar i den komande nyttårshelga. Ifølgje Meteorologisk institutt er venta periodevis full storm frå sørvest i Møre og Romsdal, både fredag og laurdag. Det er eit lågtrykk i Norskehavet mellom Island og Noreg som skaper både storm og nedbør. Verst blir det truleg på kysten natt til fredag og natt til laurdag.
Natt til fredag er det meldt opp imot sørvest full storm på kysten, frå føremiddagen sterk kuling og liten storm om kvelden. Det er også meldt regn og regnbyer, snø over 700–900 meter.
Laurdag er det meldt vestleg liten og mogleg full storm. Frå laurdag ettermiddag er det meldt nordvestleg liten kuling, sludd- og snøbyer, regn og snø i høgda.
Men vêret vil truleg roe seg til kvelden nyttårsaftan, noko som kan vere godt nytt for dei som har planar om å feire inngangen til det nye året ved å skyte opp rakettar.
Eit oppdatert vêrvarsel kan du lese på yr.no.
Det er også venta mykje nedbør 30. desember.
Første nyttårsdag er det meldt snøbyer, kraftig snø og sluddbyer.
