Skipet er 140 meter langt og er spesialdesigna for kabellegging av Salt Design på Stord.
Konsernsjef Ståle Rasmussen hadde gode nyheiter til dei tilsette ved Kleven Verft i dag.
Foto: Arne Flatin / NRK–Prosjektet eit godt døme på at norsk design og skipsbygging vinn fram i tøff internasjonal konkurranse. Dette er ein svært viktig kontrakt for Kleven, i ei tid då det er langt mellom kontraktane innan norsk skipsbygging, seier administrerande direktør i Kleven, Ståle Rasmussen i ei pressemelding.
Ei rekkje lokale leverandørar er involverte, blant andre Brunvoll, Hareid Group og ABB Marine i Ulsteinvik. Skipet skal leverast i 2017.
Dei tilsette ved Kleven verft blei orientert om kontrakten fredag formiddag.
Foto: Arne Flatin / NRKKleven har 15 fartøy i ordreboka no til ein samla verdi på over 10 milliardar kroner.
Konsernsjef i Kleven, Ståle Rasmussen, vil ikkje opplyse kor stor den siste kontrakten er, men seier til NRK at den er verd svært mykje pengar og viser at Kleven er med i kampen om dei store, internasjonale kontraktane.
Tradisjonen tru var det kakefest på Kleven i samband med kontrakten.
Foto: Arne Flatin / NRK–Det er beintøft og vi skal vere flinke for å få det til, men vi har eit godt utgangspunkt og er veldig glade for at ABB vel å kontrahere eit så avansert fartøy på Kleven, seier Rasmussen til NRK.
