– Det var fleire tusen i basarkasse. Vi driv no og sjekkar ut aktuelle gjerningsmenn, seier operasjonsleiar Thorry Aakenes til NRK.
Politiet i Nordmøre og Romsdal fekk melding frå kyrkjetenaren i Kirkelandet kirke klokka 12.50. Då hadde ein frekk tjuv robba med seg ei basarkasse ståande i kyrkja.
– Personen blei observert då han forlét kyrkja, og vi har fått ein skildring av personen, seier Aakenes.
Trur tjuven kan ha dumpa kassa
Kassa er ei trekasse, og politiet trur tjuven fort kan ha dumpa kassa.
– Så om nokon finn den så er vi interesserte i få tak i ho. Tjuven kan fort ta innhaldet, og legge frå seg kassa.
Aakenes fortel at politiet no etterforskar saka.
Liknande tilfelle i jula 2012
I romjula i fjor skjedde det eit liknande tilfelle i Kristiansund, då ein tjuv tok med seg heile kollekten frå Nordlandet kirke.
- Les også:
Då skjedde tjuveriet på natta, og heile 16.000 kroner forsvann sporlaust.
I etterkant av tjuveriet starta derimot Nadia og Kenneth Strand Stubø ein innsamlingsaksjon. Paret gifta seg i kyrkja like etter tjuveriet.
- Les også: