Onsdag 30. april hadde Kristiansund Høgre nominasjonsmøte med meiner at Vidar Solli er den rette kandidaten til å leie partiet fram mot sider i kommunevalet 2015.
– Eg er veldig nøgd med å få den tilliten og den mogelegheita til å stille som kandidat, og eg er veldig klar for å ta fatt på den oppgåva, seier Solli til NRK.
Solli har hatt ulike leiarverv i Kristiansund i 20 år, og har dei siste åra vore ein markert leiar i Kristiansund Boligbyggelag.
– Eg har jo ikkje politisk erfaring, og sjølv om eg har ein god del erfaring frå næringslivet så får eg ei bratt læringskurve no i politikken, seier Solli og legg til at han ser fram til tida som kjem.
– Ein stiller som kandidat fordi ein har planar om i vinne, og med den støtta som ligg i partiet, og med den partipolitikken som er lagt så har eg veldig trua, seier Solli.
Har trua på Solli
Kristiansund Høgre meiner at Vidar Solli er den rette kandidaten til å leie partiet fram mot siger i kommunevalet 2015.
– Eg tykkjer dette er veldig bra, og det er spanande med ein kandidat som har vore utanfor Høgre-systemet, seier leiar i Kristiansund Høgre, Anita S. Winje.
Ho seier ho har fått gode reaksjonar frå mannen i gata, frå partimedlemmar, og frå partifellar i fylket, og ho har trua på Solli som ordførarkandidat.
– Han er ambisiøs, har lang erfaring som leiar og er ein samlande person, så dette blir eit spanande val, seier Winje.