– Det går fotspor ut og inn av raset, men vi veit ikkje om dei er gamle, sa operasjonsleiar Tor André Gram Franck i politiet rett etter at skredet hadde gått i 19-tida laurdag kveld.
Stikk ut-post
Folk som bur i området fortel at den populære turkonkurransen Stikk ut har ein post der, så til trass i dårleg vêr, kunne det ha vore folk på stien då raset gjekk ved Fitjarvatnet eller Fetvatnet i Sykkylven.
– Raset går 150 meter ut i vatnet og det er 10 meter høgt, fortalte operasjonsleiaren.
Avslutta
Politiet melde klokka 2050 at dei framleis søkte, men at det ikkje var indikasjonar på at nokon var tatt.
Dei søkte gjennom raset med redningshund, men klokka 22.40 melde dei at søket var avslutta.
