Deler av Skarfjellet i Sunndal har flytta seg fem og ein halv meter i sommar, det skriv TV2.
NVE åtvarar framleis om ferdsel i området, sjølv om farta på rørslene er langt lågare.
Tidlegare i sommar gjekk NVE ut og åtvara mot eit stort fjellskred i området og målingar viste unormalt store rørsler i fjellet.
TV2 skriv at radarovervakinga blir erstatta med eit kamera når snøen kjem.
NVE har mindre tru på at heile fjellpartiet av Skarfjellet vil ramle ut. Det seier dei til TV2.
Skarfjellet har flytta seg fire meter sidan NVE starta overvakinga i midten av juli.
Dei siste veka har dei daglege rørslene meir enn halvert seg, frå 25 centimeter om dagen, til 10 centimeter om dagen.
Sunndal kommune og NVE rådar framleis folk frå å gå på tur i området der skredet kan gå.
Den siste veka har NVE registrert avtakande hastigheit i Skarfjellet i Sunndal kommune.
Fjellet har blitt overvaka dei siste vekene, etter stor rørsle i fjellet.
På fredag bevega fjellet seg rundt ni millimeter i timen. Tysdag denne veka bevega det seg tre millimeter i timen.
Dei neste dagane blir Møre og Romsdal treft av «Lille Floris», med sterk vind og nedbør. Det er framleis ukjent korleis fjellet vil reagere på vedvarande regnvêr.
All ferdsel ved Skarfjellet er framleis frarådd.
Måndag kveld gjekk det eit nytt steinsprang på Skarfjellet i Sunndal.
– Status i Skarfjellet er uendra. Hastigheita har vore veldig stabil, med ca. ein centimeter per time sidan vi starta opp målingane førre måndag.
Det seier Kjetil Indrevær, som er vakthavande geolog ved NVE.
Han seier også at steinsprang kan forventast.
– Så har det gått jamlege ein del steinsprang og mindre skred, og det er å forvente og ein naturleg følgje av at hastigheita er som den er.
NVE forklarar at det er gått eit mindre skred, som er forventa basert på dei bevegelsane som er i fjellet no.
– Det understreker også viktigheita av å følge kommunen sine råd om å halde seg unna området, legg dei til.
