Måndag kveld gjekk det eit nytt steinsprang på Skarfjellet i Sunndal.

– Status i Skarfjellet er uendra. Hastigheita har vore veldig stabil, med ca. ein centimeter per time sidan vi starta opp målingane førre måndag.

Det seier Kjetil Indrevær, som er vakthavande geolog ved NVE.

Han seier også at steinsprang kan forventast.

– Så har det gått jamlege ein del steinsprang og mindre skred, og det er å forvente og ein naturleg følgje av at hastigheita er som den er.