Ørnevegen er namnet på dei elleve hårnålsvingane som går opp den bratte vegen frå Geiranger mot Eidsdal. Heilt øvst ligg utsiktspunktet Ørnesvingen med sitt eige innebygde fossefall.
I midten av oktober asfalterte selskapet NCC Ørnevegen på fylkesveg 63. I den anledning bestemte arbeidarane seg for å dokumentere dette arbeidet. Resultatet kan du sjå i videoen øvst i saka.
I videoen kan du følgje heile prosessen, frå asfalten reiste frå Ålesund, til asfalteringa av vegen var ferdig.
Asfalten til vegstrekket blei produsert i Ålesund og frakta med båt til Geiranger, der den blei lasta over på lastebilar.
– Å asfaltere Ørnevegen var ei krevjande oppgåve. Det er trongt, svingete og trafikkert. I tillegg kom asfalten frå Ålesund – 8 timars båttur unna. Totalt blei det lagt 2500 tonn asfalt, og det kravde planlegging og innsatsvilje, skriv NCC i ei pressemelding.
- Les også: