Karl Jonas Volen frå Sunmøre politidistrikt er ein av dei som er med i den fjerde sesongen av dokumentarserien, som handlar om politiets kvardag. Han har hatt med seg ein kameramann ut på nattevakt, som filma store og små hendingar.
– Publikum får vere med på alt som skjer i løpet av ei vakt. Vanlegvis ser ein jo berre store hendingar i media, men her får sjåaren innblikk i alle dei små sakene, seier Volen.
Han var i tvil om han i det heile teke skulle stille opp i serien og var skeptisk, men har berre positive opplevingar. Volen har sett opptaka på førehand og grur seg ikkje til å bli tv-kjendis.
– Eg trur det er viktig at folk får sjå kva politiet held på med. Minst like viktig er det at ein får sjå kva problem folk slit med, seier Volen.
