Den planlagte vindkraftverket til havs utanfor Harøy i Sanødy kommune, vert ikkje noko av. (illustrasjonsfoto)
Foto: Frank Augstein / ApVestavind Offshore har sett utbygginga av vindmøller til havs på vent, fordi dei ikkje finn det økonomisk forsvarleg. Dermed vert det ingenting av vindparken Havsul som skulle stå i sjøen utanfor Sandøy kommune.
– Vi hadde håpt at vi skulle få inntekter på vindparken, det var jo avtalen, seier ordførar i Sandøy, Hans Endre Sæterøy.
Ekstra bidrag til Nordøyvegen
Sandøy kommune skulle få rundt 30 millionar kroner i ein årleg kompensasjon for bruk av sjøområda, når vindparken var fullt utbygt.
Deler av pengane skulle gå til Nordøyvegen, og dersom planane vart realisert såg politikarane for seg å gi 10 millionar årleg til fastlandssambandet. Dette er ikkje pengar Nordøyvegen har rekna med i sine budsjett og vil ikkje få konsekvensar for dei.
– Dersom vi fekk inn pengane ville vi synleggjere at vi ville stille opp endå meir for Nordøyvegen, forklarar ordføraren.
LES OGSÅ:
Hadde trua
Ordføraren synest likevel det er synd at vindparken ikkje vert noko av og at draumane om å bidra ekstra vert skrinlagt. Han vart overraska då beskjeden kom om at vindparken likevel ikkje vert noko av.
– Berre få månader sidan var det stor vilje til å bygge vindparken. Eg trudde på ei utbygging, seier Sæterøy.
