18-åringen som vart påkøyrd ved Retiro i Molde førre onsdag er framleis livstruande skadd og ligg på St. Olavs Hospital i Trondheim.
Han blir blant anna behandla for omfattande skadar i hovudet, opplyser sjukehuset.
- Les også:
- Les også:
Russesamling kvelden før
Natt til onsdag køyrde ein russ ned to medruss. Dei eine er utskriven frå Molde sjukehus, men den andre ligg framleis på St. Olavs. Den 18 år gamle sjåføren har vedgått promillekøyring. Sjølv om han stod som eigar på bilen hadde han heller ikkje førarkort. Russefeiringa blei raskt annleis enn det som var planlagt.
Ulukka skal ha skjedd på parkeringsplassen ved Retiro i Molde. Kvelden før hadde det vore russesamling på staden.
God støtte frå lokalsamfunnet
Under 17. mai-markeringa i Molde var det den skadde medrussen talane dreidde seg om. Russepresident Nikolai Skrede sa at støtta frå lokalsamfunnet har vore spesiell.
– Støtta er viktig, spesielt for han som kjemper for livet i Trondheim. Eg er glad for at vi har opplevd samhald og tatt ansvar i denne situasjonen. Vi har ikkje gitt opp håpet, sa Skrede under sin tale.