Ifølgje VG har ein pleiemedhjelpar på St.Olavs hospital i Trondheim selt ein heimelaga mikstur til kvinna i 60-åra. Miksturen er blanda av sprit, vatn og urter og ho betalte 200 kroner for ei lita flaske. Pleiemedhjelparen er no sjukmeld, og sjukehusleiinga vurderer å melde henne til politiet.
Rådgivar Anne Britt Rønning i Kreftforeininga i Midt-Noreg seier dette viser at enkelte er villige til å gå langt for å utnytte menneske i nød. Folk som er alvorleg kreftsjuke, er i ein vanskeleg situasjon og er ofte villige til å prøve kva som helst, seier ho.