Måndag var det klart for nedrigging etter The Tall Ships’ Races i Ålesund, og byen skal tilbake til normalen etter den store folkefesten.
Frivillige og arrangøren er fornøgde med arrangementet, men innrømmer at det er vemodig at det no er over.
– Det er klart det er trist å ikkje sjå alle desse flotte seglskutene lenger, men slik er det dessverre berre, seier prosjektleiar for Tall Ships Races, Albert E. Gjørtz.
No ønskjer arrangøren seg ein ny skutefestival i Ålesund i 2022.
– Eg både håpar og trur det blir eit ny festival, seier Gjørtz.
- Les også:
Vellykka arrangement
Prosjektleiaren er ferdig med ei travel periode, men understrekar at seglskutefestivalen i Ålesund har vore ein suksess.
– Når du ser det folkelivet som har vore, så meiner eg at det er positivt både for næringslivet og handelsstanden, seier Gjørtz.
Han meiner at arrangement som The Tall Ships’ Races bidreg til å sette Ålesund på kartet.
– Vi får moglegheita til å vise fram både byen og regionen på ein god måte, seier han.