Oppussingsarbeidet starta då fyret blei sløkt for sommaren i slutten av mai i år. Sidan då har fyret fått ei ansiktsløfting gjennom fjerning av rust, skifting av vindauge, reparasjon av lekkasjar, sandblåsing og måling.
– Har vore sakna
Det står att litt målararbeid på Ona fyr før stillaset kan rivast.
Foto: Roar Strøm / NRKNo er øvste delen av fyret – ned til galleriet – ferdig pussa opp, så i dag var det tid for å sette fyret tilbake i drift.
– Ja, no blei det endeleg lys igjen, seier senioringeniør i hamne- og farvannsavdelinga i Kystverket, Odd Eide, etter å ha kopla til straumen og testa lyset i ettermiddag.
– Det er mange som har sakna lyset i fyret og spurt etter det, seier Eide. Spesielt her ute er fyret viktig for folk, så det er triveleg å sjå t alt fungerer.
- Les også:
Landemerke
Landemerke: Ona fyr har stått på Onakalven sidan 1867.
Foto: Roar Strøm / NRKOna fyr står på Onakalven, det høgste punktet på øya Ona i Sandøy. Der har fyret stått som eit ikon og landemerke sidan det blei bygt i 1867. Fyret blei freda i år 2000 og er pussa opp i nært samarbeid med Fylkesmannen, seier avdelingssjef i Kystverket, Ole Bjørn Molnes.
– Fyret er bygt av støypejern, så då er det visse måtar det må gjerast på og visse typar måling som kan brukast, og det har vi teke omsyn til, seier Molnes.
Litt arbeid igjen
Senioringeniør i hamne- og farvannsavdelinga i Kystverket, Odd Eide, sette Ona fyr i drift igjen etter oppussinga i sommar.
Foto: Roar Strøm / NRKStillaset blir ståande rundt Ona fyr ei stund til, for det står framleis att litt sandblåsing og målearbeid frå under galleriet og ned. Det reknar Kystverket med skal vere ferdig i løpet av to til tre veker.
