Ein elev som blir mobba er ein for mykje, meiner KrF, og synest det er på høg tid at det blir oppretta mobbeombod i Møre og Romsdal.
På fylkesårsmøtet i helga stod livskvaliteten til den enkelte elev på dagsorden.
– Mange triste historier
Mange opplever ein skulegang prega av mobbing på skulen og i fritida og nettmobbing er aukande.
No meiner Møre og Romsdal KrF det er på høg tid at politikarane handlar for å gjere situasjonen til til born og unge som blir mobba betre.
– Det er mange triste historier frå born og unge som har opplevd mobbing, og det er desse elevane vi ønskjer å stå opp for, heiter det i KrF sitt vedtak frå fylkesårsmøtet.
Partiet meiner at ei innføring av mobbeombod i Møre og Romsdal vil gjere ein skilnad i mange elevar sine liv og viser til at Buskerud fekk mobbeombod i 2012 og det har fungert godt.
– Eit mobbeombod vil vere eit lågterskeltilbod som born og føresette kan vende seg til om dei opplever at mobbesaker ikkje vert teke på alvor.
– Uhaldbart
Håpet er også at eit uavhengig mobbeombod vil hjelpe enkeltelevar med å jobbe aktivt med førebyggjande arbeid mot mobbing, og vere ein fagleg pådrivar og inspirator på skulane.
– Det er uhaldbart at ungdom i Møre og Romsdal opplever mobbing. Barn og ungdom som opplever mobbing treng at politikarar handlar for å gjere situasjonen deira betre.
Les også: