NRK Meny

No kan du ta teoriprøve i haustferien

Ungdommen er opptatt av å unngå fråver. Dei får uventa hjelp frå vegvesenet.

Teoriprøve

Nye fråversreglar har framskunda drop-in-tilbod for teoriprøver ved vegstasjonane.

Foto: Gorm Kallestad / Scanpix

Trafikkstasjonane i Møre og Romsdal slår til med utvida tilbod om teoriprøver i haustferien.

– Dette blir gjort for at skuleelevar skal kunne ta teoriprøva utan å få fråver, seier kontorsjef Bente Sørlie i Statens vegvesen til NRK. Det er dei nye fråversreglane som har framskunda prøveordninga.

Bente Sørlie, Statens vegvesen

Bente Sørlie i Statens vegvesen håper mange ungdommar kjem i haustferien, og at dei er godt budde på å ta teoriprøva.

Foto: Statens Vegvesen

Ho fortel at det blir eit drop-in-tilbod for teoriprøver frå 10. til 14.oktober. Dette gjeld ved trafikkstasjonane både i Kristiansund, Sunndalsøra, Molde, Ålesund og Ørsta.

Service til ungdommen

– Hovudvekta av dei som tar teoriprøve til førarkortet er elevar på vidaregåande. Vi reknar med at ein del ønskjer å bruke haustferien til teoriprøve for å sleppe fråver, seier Bente Sørlie.

Vegvesenet har ikkje fått noko krav om dette, men gjer det som ein service til ungdommen.

Til vanleg er det teoriprøve ved vegstasjonane 1-3 dagar i veka. Unntaket i Møre og Romsdal er Ålesund, der det er daglege teoriprøver.

Eksamensvakten passer på under teoriprøven

Skuleelevar i Møre og Romsdal kan ta teoriprøva i haustferien, så dei slepp fråver på skulen.

Foto: FAYRUZ SADO / NRK

Siste video/lyd

Mange geitebønder i landet vil ha den elektriske geiteklaven til Gjemnesbedrifta Nofence. Produksjonen pågår for fullt, men geiteklaven er enno ikkje godkjend. Gründerbedrifta treng beitesesongen 2017 for å gi Mattilsynet dokumentasjonen dei krev.
Dei fleste har meir enn nok med å SJÅ utfor kanten på den hundre meter høge Zakariasdammen i Tafjorden på Sunnmøre.
Men det finst folk som vil betale for å få seg ein luftig tur. Og frå neste veke av kan dei gjere akkurat dét...
Fiskesperra som skal redde den nasjonale lakseelva Driva, blir slakta av ekspertar på behandling av gyrosmitte. Miljødirektoratet er ansvarleg for prosjektet til seksti millionar kroner. Dei meiner det trengst berre små justeringar.