Nasjonal kjendis
Nikka Myren Grønning er ikkje ukjent med TV-mediet. Ho var mellom anna hovudpersonen i ein heil serie på Norge Rundt i haust.
Der viste ho fram alt frå kunsten å stoppe strømper til å bake bakkels.
PÅ TV: Nikka Myren Grønning blir intervjua av NRKs reporter Sissel Brunstad til serien som gjekk på Norge Rundt i haust.
Men den friske bakstekona gir seg altså ikkje der. I kveld klokka 21.00 viser ho fram kunstane sine til eit internasjonalt publikum saman med TV-kokkane Hairy Bikers på BBC.
Hairy Bikers besøkte Nikka Myren Grønning.
Startar i Kristiansund
Det er ikkje berre Nikka og Valldal som får vise seg fram i kveld.
Dei to hårete motorsyklistane startar dagens program i Kristiansund før dei køyrer Atlanterhavsvegen og reiser på øyhopping med ferje.
Hairy Bikers i Kristiansund for BBC.
Dei køyrer også motorsykkel langs tøffe vestlandsvegar før dei endar opp i Oslo.
I kveldens programomtale er Nikka spesielt nemnt:
«They also meet some talented home-bakers, including 95 year old Nikka who rustles up waffles on her 65 year old waffle-iron.»
